ԵՐԵՎԱՆ, 30 հուլիսի— Sputnik. Հուլիսի 31-ից Հայաստանի բոլոր մարզերում օդի ջերմաստիճանը կբարձրանա 4-5 աստիճանով։ Facebook-ի իր էջում այս մասին գրել է ՀՀ ԱԻՆ «Հիդրոմետ» ծառայության Օդերևութաբանության կենտրոնի պետ Գագիկ Սուրենյանը։
Ըստ նրա` ջերմաստիճանի բարձրացումը պայմանավորված է հուլիսի 31-ին և օգոստոսի 1-ին արևադարձային տաք օդային հոսանքների ներթափանցմամբ։
«Երևանում, Արարատյան դաշտում և Սյունիքի հովտային գոտում ցերեկը սպասվում է +39–ից +40 աստիճան տաքություն։ Օգոստոսի 2-3-ին օդի ջերմաստիճանը կրկին կնվազի 4-5 աստիճանով»,– հայտնում է Սուրենյանը։
Հանրապետության հովտային և նախալեռնային գոտիներում բարձր կարգի հրդեհավտանգ իրավիճակը առաջիկա 5 օրերին կպահպանվի։
Մատչելի հանգստավայրերի լավագույն հնգյակը
Սուրենյանի կանխատեսումն այնքան էլ չի ուրախացրել նրա Facebook-յան հետևորդներին։ Նրանք իրենց մեկնաբանություններում Օդերևութաբանության կենտրոնի պետին մեղադրել են իրենց «վառել–թափելու», «գրիլ անելու» համար։
Ինչպես են Երևանում դիմանում շոգին. ի՞նչ է այդ մասին գրված աշխատանքային օրենսգրքում
Բայց կան նաև սպասվող շոգը լավատեսությամբ դիմավորողներ, որոնք ուզում են ամառը վայելել ու «երկու օր կարճաթև հագնել»։
Մի բարձի ծերանաք, կամ երբ խելահեղ սիրավեպն ավարտվում է հայի հետ ամուսնությամբ