ԵՐԵՎԱՆ, 29 հուլիսի - Sputnik. Հուլիսի 29-31-ը սպասվում է առանց տեղումների եղանակ: Երեկոյան ժամերին կլինի քամու ուժգնացում՝ 18-20 մ/վ արագությամբ։ Շոգը առաջիկա օրերին ոչ միայն չի նահանջի, այլ նոր թափ կհավաքի։ Այս մասին հայտնում է ԱԻՆ «Հիդրոմետ» ծառայությունը:
Օդերևութաբանների կանխատեսումներով՝ օդի ջերմաստիճանը հուլիսի 30-31-ին կբարձրանա 3-4 աստիճանով, տեղումներ էլ չեն լինի:
ԱԻՆ-ից զգուշացնում են, որ հովտային և նախալեռնային շրջաններում սպասվում է բարձր կարգի հրդեհավտանգ իրավիճակ:
Երևանում այսօր ցերեկը կլինի 33-35, գիշերը՝ 20-22 աստիճան տաքություն:
Փոխարենը զով և անձրևային եղանակ կլինի Գեղարքունիքում, Կոտայքում, Շիրակում, Լոռիում և Տավուշում: