ԵՐԵՎԱՆ, 28 հուլիսի — Sputnik. Հայաստանում 24–ամյա պայմանագրային զինծառայող է զոհվել։ Այս մասին Facebook-ի իր էջում գրել է ՀՀ ՊՆ մամուլի խոսնակ Արծրուն Հովհաննիսյանը։
«Այսօր ՀՀ սահմանի հյուսիսարևելյան հատվածում հակառակորդի կրակոցից զոհվել է ՀՀ ԶՈւ Պայմանագրային զինծառայող, 1995թ. ծնված Արման Արայիկի Բուլղադարյանը»,–գրել է Հովհաննիսյանը և իր ցավակցությունը հայտնել Արմանի հարազատներին։
Հիշեցնենք, որ հայ–ադրբեջանական սահմանին երեկ` հուլիսի 27–ին, կրկին սրացում էր գրանցվել։ ՀՀ ՊՆ տարածած հաղորդագրության համաձայն`
ՀՀ պետական սահմանի հյուսիսարևելյան հատվածում` Տավուշի մարզում, արձանագրվել է հակառակորդի կողմից հրադադարի խախտման հերթական դեպքը։ Դրա հետևանքով հրազենային վիրավորում է ստացել մարտական հերթապահություն իրականացնող ՀՀ ԶՈՒ պայմանագրային զինծառայող։