Կիրակի՝ հուլիսի 28-ին, մեկնարկում է Sevan Startup Summit 2019-ը։ ՆԱԻՐԻ ԻՆՇՈՒՐԱՆՍ ապահովագրական ընկերությունը ներկայանում է որպես 7-օրյա բիզնես ֆորումի պաշտոնական ապահովագրող՝ առաջին անգամ կազմակերպիչներին և բոլոր մասնակիցներին ապահովագրելով դժբախտ պատահարներից։ Բացի այդ ընկերությունը նաև հանդես է գալիս որպես Firecode Marathon ծրագրավորողների մրցույթի առաջին հովանավոր։
ՆԱԻՐԻ ԻՆՇՈՒՐԱՆՍԸ Sevan Startup Summit 2019-ին ներկայանում է իր նոր ինովացիոն, հեղափոխական ապահովագրական առաջարկով։ Հատուկ «10+» աշխատակիցներ ունեցող ՏՏ ընկերությունների համար ընկերության փորձագետները մշակել են Medical Back Up ապահովագրական փաթեթը։
Ընկերությունն ուսումնասիրել է ՏՏ ոլորտի կարիքներն ու հասկացել, որ ստարտափերն ու փոքր ընկերությունները մեծանալու և զարգանալու համար լավ մասնագետներ ներգրավելու կարիք ունեն։ Տարեցտարի առողջության ապահովագրությունը՝ որպես աշխատանքի անցնելու պահանջ ու պայման, առավել տարածված է դառնում նաև հայաստանյան աշխատաշուկայում, հետևաբար՝ նաև ՏՏ ոլորտում պրոֆեսիոնալներին «որսալու» և զարգանալու համար ապահովագրական լավ փաթեթի առաջարկն անհրաժեշտ է դառնում։ Ահա թե ինչու «Նաիրի Ինշուրանս» ապահովագրական ընկերությունը մշակեց հատուկ փաթեթ 10 և ավելի աշխատակիցներ ունեցող փոքր ՏՏ ընկերությունների, ստարտափերի համար։ Medical Back Up փաթեթը բացառիկ է շուկայում, որովհետև առողջության ապահովագրության փաթեթներն այսպիսի շահավետ պայմաններով նախկինում հասանելի են եղել միայն խոշոր ընկերությունների համար։
Շտապ բժշկական օգնություն, բժիշկ-թերապևտի տնային կանչ, հիվանդանոցային բուժօգնություն և խնամք, ներառյալ՝ ինֆեկցիոն հիվանդությունների, կոտրվածքների, այրվածքների, թունավորումների բուժում, սրտանոթային, անոթային վիրահատություններ և միջամտություններ, քրոնիկ հիվանդությունների բուժում, ակնաբուժական, ատամնաբուժական ծառայություններ, կանխարգելիչ բուժզննում և շատ ավելին հասանելի են դառնում այս փաթեթը ձեռքբերելու դեպքում։
Medical Back Up փաթեթի առավելությունների ու բացառիկության մասին Sputnik Արմենիայի եթերում պատմել է ՆԱԻՐԻ ԻՆՇՈՒՐԱՆՍ ապահովագրական ընկերության Անձնական հայտերի դեպարտամենտի ղեկավար Աղավնի Դիլանյանը։
Մանրամասները՝ տեսանյութում։
Նյութը հրապարակվել է գովազդային հիմունքով