ԵՐԵՎԱՆ, 24 հուլիսի — Sputnik. ՀՀ վերաքննիչ քրեական դատարանը որոշեց մերժել ՀՀ երկրորդ նախագահ Ռոբերտ Քոչարյանի գույքի վրա դրված կալանքի հարցով ՀՀ դատախազության բողոքը։ Այսօր ընթացող դատական նիստի ժամանակ այս մասին հայտարարեց դատավոր Արսեն Նիկողոսյանը։
«Դատարանը որոշել է մերժել դատախազների բողոքը և օրինական ուժի մեջ թողնել ընդհանուր իրավասության առաջին ատյանի դատավոր Աննա Դանիբեկյանի որոշումը՝ հիմք ընդունելով սույն որոշման մեջ արտահայտված իրավական դիրքորոշումները»,–ասաց դատավորը։
Որոշումը կարող է բողոքարկվել այն ստանալու պահից 15 օրվա ընթացքում
Ռոբերտ Քոչարյանի փաստաբանները վճռաբեկ բողոքներ են ներկայացրել
Հիշեցնենք` Ռոբերտ Քոչարյանի բանկային հաշվի և ունեցվածքի վրա կալանք էր դրվել 2018 թվականի հուլիսի 30–ին` Մարտի 1–ի գործով մեղադրանքը ներկայացնելուց չորս օր անց։ Այս տարվա հունիսի 7–ին Երևանի ընդհանուր իրավասության դատարանը` Աննա Դանիբեկյանի գլխավորությամբ, որոշեց մասամբ բավարարել Քոչարյանի պաշտպանության միջնորդագիրը` նախկին նախագահի ունեցվածքի վրա դրված կալանքը հանելու համար, քանի որ փաստաբանները նրա իրավունքների խախտում էին գրանցել։
Դատախազությունը, սակայն, համարում էր, որ Ռոբերտ Քոչարյանի գույքի վերաբերյալ որոշումն օրինական է, և բողոքարկել էր այս որոշումը։
Ի՞նչ կտա Ռոբերտ Քոչարյանի հարցով ՄԻԵԴ որոշումը ՍԴ–ին. բացատրում է պաշտպանը