ԵՐԵՎԱՆ, 24 հուլիսի - Sputnik. United Parcel Service–ը (UPS) գործարկել է Flight Forward ընկերությունը, որն առաքման համար դրոններ է կիրառելու։ Այս մասին հայտնում է ixbt.com-ը։
Այս քայլը կարող է լուրջ հետք թողնել ԱՄՆ-ում UPS-ի, Amazon-ի և Alphabet-ի մրցակցությունում` դրոնների միջոցով առաքում կազմակերպելու մեջ առաջինը լինելու համար։
UPS-ը հայտնել է, որ հնարավոր է` Flight Forward ծառայությունը մի քանի անօդաչուների և օդաչուների համար FAA սերտիֆիկատ ստանա արդեն այս տարի և կդառնա առաջին ընկերությունը, որը նման թույլտվություն է ստանում։
Ատլանտայում տեղակայված ընկերությունը դրոնները կօգտագործի բժշկական նմուշներ տեղափոխելու համար։
Դրոնների կիրառմամբ փորձնական ծրագիրը գործարկվել էր այս տարվա գարնանը Հյուսիսային Կարոլինայի Ռոլի քաղաքի WakeMed հիվանդանոցներում։
Flight Forward–ը ծրագրում է ընդլայնել գործունեության շրջանակը` «թիրախում» պահելով բուժհաստատությունները, որպեսզի այս սեգմենտից ստացած մեծ եկամտի հաշվին կարողանա փոխհատուցել զանգվածային առաքման եկամտի կրճատումը։
Նշենք, որ United Parcel Service–ն առաքում իրականացնող ամենամեծ ծառայությունն է աշխարհում։
Hyundai-ն արևային մարտկոցներով ու սմարթֆոնով կառավարվող նոր մեքենա է ներկայացրել