ԵՐԵՎԱՆ, 21 հուլիսի — Sputnik. 34-ամյա տղամարդը սեքսուալ բնույթի գործողություններ է կատարել 10-ամյա աղջնակի նկատմամբ: Այս մասին հայտնում է Shamshyan.com-ը:
Երեկ՝ հուլիսի 20-ին, ՀՀ ոստիկանության Մաշտոցի բաժին ահազանգել է Աջափնյակ վարչական շրջանի բնակիչ՝ 45-ամյա Մ. Հ.-ը, որը հայտնել է, թե ով է սեքսուալ բնույթի գործողություններ կատարել 10-ամյա աղջկա հետ։
Ոստիկանների բացատրական աշխատանքների արդյունքում Մաշտոցի ոստիկանություն ինքնակամ ներկայացել է Աջափնյակ վարչական շրջանի բնակիչ՝ 34-ամյա Է. Ա.-ն: Կայքի տեղեկություններով՝ նա երեխային խաբելով հրավիրել է իր տուն և այնտեղ անառակաբարո և սեքսուալ բնույթի գործողություններ է կատարել։ 34-ամյա տղամարդը ձերբակալվել է։