ԵՐԵՎԱՆ, 17 հուլիսի – Sputnik. Առաջիկա օրերին` հուլիսի 17-19-ը, կարճատև անձրև և ամպրոպ կգրանցվի Հայաստանի հյուսիսային շրջանների առանձին հատվածներում։ Այս մասին հայտնում է «Հիդորմետ» ծառայությունը` նշելով, որ այդ տարածքներում չի բացառվում նաև կարկուտի հավանականությունը։
Ըստ ԱԻՆ–ի հրապարակած տեղեկության, անձրև կտեղա Շիրակում, Լոռիում, Տավուշում։
Ամպրոպի ժամանակ հնարավոր է քամու ուժգնացում` 20-25 մ/վ:
Հուլիսի 20-21-ը Հայաստանում տեղումներ չեն սպասվում։
Օդի ջերմաստիճանը 18-19-ն աստիճանաբար կբարձրանա 2-3 աստիճանով։
Երևանում առաջիկա օրերին չոր եղանակ կլինի։
Այսօր մայրաքաղաքում ցերեկային ժամերին օդի ջերմաստիճանը կհասնի +36 աստիճանի, իսկ գիշերը կնվազի մինչև +20 աստիճան։
ՀՀ ԱԻՆ–ը զգուշացնում է, որ առաջիկա օրերին հովտային և նախալեռնային շրջաններում պահպանվելու է բարձր կարգի հրդեհավտանգ իրավիճակը։