ԵՐԵՎԱՆ, 14 հուլիսի — Sputnik. Մինչև 19 տարեկան ֆուտբոլիստների Եվրոպայի գործող չեմպիոն Պորտուգալիայի հավաքականն այսօր Երևանում տպավորիչ հաղթանակով մեկնարկեց Եվրոպայի առաջնությունը։
Ա խմբում ընդգրկված պորտուգալացիներն Իտալիայի հասակակիցների հետ խաղում ունեին զգալի առավելություն և հանդիպման ընթացքում, ստեղծելով բազմաթիվ գոլային պահեր, օգտագործեցին դրանցից 3–ը և խոշոր հաշվով հաղթանակ տարան։
Մեկնարկային տուրից հետո Ա խմբում մեկական հաղթանակ են տոնել Իսպանիայի և Պորտուգալիայի հավաքականները։ Հայաստանի և Իտալիայի հավաքականները մեկնարկային խաղերում պարտվել են։
Վաղը առաջին հանդիպումները կանցկացվեն Բ խմբում։
Հիշեցնենք, որ այսօր Մինչև 19 տարեկան ֆուտբոլիստների Եվրոպայի առաջնությունում Հայաստան–Իսպանիա խաղն ավարտվեց 1։4 հաշվով` հօգուտ իսպանացիների։