Արթուր Գրիգորյանը համոզված է, որ Սևանի ճահճացման համար մեղավոր են կոնկրետ մարդիկ: Ըստ նախկին պաշտոնյայի, այդ մարդիկ երկար տարիներ եղել են լճի էկոհամակարգի պատասխանատուները ու հանգեցրել են այս վիճակին:
«Այն նույն մարդիկ, որոնք ժամանակին կառավարում էին այդ համակարգը և տարիներ շարունակ զբաղեցրել են պատասխանատու պաշտոններ, հիմա շարունակում են կառավարել»,- ասում է Գրիգորյանը։
Նախկին պաշտոնյան նշում է, որ Սևանում երբևէ համալիր տեսչական ստուգում չի իրականացվել։ Իսկ մինչ այդ պատկան մարմիններն արել են այն, ինչ պետք է անեին ու չեն արել անհրաժեշտ գործողություններ, որոնք զերծ կպահեին Սևանը «ծաղկելուց»։
Սևանի մակարդակը բարձրացել է, կանաչելը` նվազել. Էրիկ Գրիգորյան
«Պետք չէր «խաղալ» Սևանի մակարդակի հետ, պետք է մաքրվեին անտառաշերտերը, որոնք հայտնվել էին ջրի տակ՝ լճի մակարդակի բարձրացման արդյունքում, պետք է չթույլատրվեին իշխանի բազմացման համար Սևանա լճում տեղադրվեին ցանցավանդակները»,- թվարկում է Գրիգորյանը։
Նախկին պաշտոնյայի կարծիքով, գոնե այս փուլում, պետք է արտակարգ իրավիճակ հայտարարվի՝ Սևանի ներկա վիճակի հետ կապված։
Բնապահպանական տեսչությունը պլանավորել էր այս տարվա երկրորդ եռամսյակում «Սևան» ազգային պարկում իրականացնել համալիր ստուգումներ։
«Սևանում տեսչական ստուգումը չկայացավ, որովհետև ինձ ազատեցին աշխատանքից»,-ասում է Արթուր Գրիգորյանը։
Նշենք, որ վերջին շրջանում Սևանի լճի հարցը բուռն քննարկումների թեմա է դարձել։ Կապտականաչ ջրիմուռների բազմացման հետևանքով փոխվել է լճի գույնը։
Հայտնի է` որոնք են Սևանի առավել ռիսկային տարածքները. այդտեղ լողալուց պետք է խուսափել