Փաշինյանն ու Տուսկը զբոսնել են Երևանում Քոչարյանի կողմնակիցների բղավոցների ուղեկցությամբ

Փաշինյանն ու Տուսկը քայլել են Հյուսիսային պողոտայով և հասել Եվրոպայի հրապարակ։ Այդ ընթացքում Երևանի կենտրոնում` Հանրապետության հրապարակում,  բողոքի ցույց էին անցկացնում ՀՀ երկրորդ նախագահ Ռոբերտ Քոչարյանի կողմնակիցները։

ՀՀ վարչապետը Եվրոպական խորհրդի նախագահին ընդունել է այսօր։ Զրուցակիցները քննարկել են Հայաստան-Եվրամիություն հարաբերությունների օրակարգին վերաբերող հարցերի լայն շրջանակ:

Շրջայցից հետո Հայաստանի վարչապետը և Եվրոպական խորհրդի նախագահը քննարկումը շարունակել են աշխատանքային ճաշի շրջանակում: