Երևանի կենտրոնական փողոցներով ԱԻՆ, Ոստիկանության և այլ նվագախմբեր եռագույն դրոշի գույներով հագնված տոնական քայլերթ էին իրականացնում։
Երաժշտական գեղեցիկ ներկայացումը նվիրված էր Հայաստանի Հանրապետության մայր օրենքի ընդունման 29 ամյակին։
Ոգևորող երաժշտությունը դուրս էր բերել ոչ միայն մայրաքաղաքի բնակիչներին, այլ նաև հյուրերին։ Շատերը լուսանկարում կամ տեսանկարահանում էին տոնական շքերթը` սոցցանցերում իրենց ուրախությունը տարածելու համար։
Հանրապետության Մայր օրենքն ընդունվել է 1995թ. հուլիսի 5-ին` համաժողովրդական հանրաքվեի արդյունքում: Սահմանադրության ընդունումից հետո հուլիսի 5-ը հռչակվել է պետական տոն: Ընդունումից հետո այն երկու անգամ փոփոխվել է` 2005 և 2015թթ-ին։