Ողբերգական ավտովթար Արմավիրում. մի հոգի մահացել է՝ գիտակցության չգալով. լուսանկարներ

ԵՐԵՎԱՆ, 29 հունիս — Sputnik. Քիչ առաջ սարսափելի պատահար է տեղի ունեցել Արմավիրի մարզում։

Էջմիածնից Աշտարակ տանող ճանապարհի սկզբնամասում ամերիկյան համարանիշերով BMW մակնիշի ավտոմեքենան դուրս է եկել երթևեկելի գոտուց ու, մի քանի անգամ շրջվելով, հայտնվել դաշտում։

Նախնական տվյալներով մեքենայում եղել են երկու երիտասարդ, որոնք տեղափոխվել են հիվանդանոց։

Նրանցից 23-ամյա երիտասարդը «Աստղիկ» բժշկական կենտրոնում, գիտակցության չգալով, մահացել է։

Այս պահին տեղում են ոստիկանության և քննչական կոմիտեի ծառայողները։ Մեքենան տեղափոխվել է ոստիկանության Վաղարշապատի բաժնի պահպանվող հատուկ տարածք։