Կապանից 1կմ հեռավորության վրա գտնվող Կավարտի լքված հանքավայրի թափոնակույտերից առաջացած դեղնավուն թթվային ջրերը, որոնք հարուստ են ծանր ու վտանգավոր մետաղներով, լցվել էին Ողջի գետը, ինչպես նաև հոսում էին Կապանի փողոցներով:
Բնապահպանի պնդմամբ՝ դեռ 40 տարի առաջ շահագործված հանքից մնացած թափոնակույտերից, ինչպես նաև հանքուղիներից ծանր ու վտանգավոր տարրերով հարուստ այս հեղուկն անդադար տարածվում է բնական միջավայրում՝ իր հետևանքները թողնելով նաև մարդկանց առողջության վրա։
Հաղորդման երկրորդ հատվածում Էկոկենտրոնի սննդի ռիսկի գնահատման կենտրոնի ղեկավար Դավիթ Պիպոյանն անդրադարձել է Կապանի տարածաշրջանում առկա սննդային անվտանգության խնդրին:
Ուսումնասիրությունները ցույց են տալիս, որ հանքարադյունահանման շրջաններում աճեցվող գյուղմթերքն աղտոտված է ծանր ու թունահարույց մետաղներով, հետևաբար նույնպես վտանգավոր է մարդկանց առողջության համար: