Սուրեն Սարգսյանը կարծում է, որ գագաթնաժողովի մասնակից երկրներն իրենց ակնկալիքներն ունեն այդ հանդիպումից:
«ԱՄՆ-ի նախագահ Դոնալդ Թրամփը հասկանում է, որ բոլոր աշխարհագրական խնդիրներով մշտապես բախվելու են Ռուսաստանի հետ, և վստահ եմ, որ պատրաստ է խորացնել հարաբերությունները»,- նշում է նա:
Սարգսյանի խոսքով` եթե Ռուսաստանի հետ հարաբերությունների հարցը դեռ ապագայում է, ապա ԱՄՆ-Չինաստան որոշակի հարաբերություններ այսօր էլ կան՝ փոխկապակցված հենց ֆինանսատնտեսական ոլորտում` չնայած նրանց միջև տնտեսական «պատերազմին»:
Ռուսաստան-ԱՄՆ ուղիղ հարաբերություններից բացի, Ռուսաստանը նաև լուրջ ազդեցություն ունի տարածաշրջանում: Ռուսաստանը կարելի է դիտարկել նաև Իրան-ԱՄՆ հարաբերությունների կոնտեքստում՝ որպես մեր տարածաշրջանային ազդեցիկ գերտերություն. Հայաստանի համար ԱՄՆ-Իրան լարված հարաբերությունները, հնարավոր բախումը մեծ սպառնալիքներ են պարունակում:
Բացի այդ, գերտերությունների պայքարում «ոտքի տակ ընկնելը» շատ հեշտ է:
Թուրքիան նույնպես ակնկալիքներ ունի G20-ի հանդիպումներից. Ռուսաստանից ՀՕՊ համակարգեր գնելու խնդրում փորձելու է որոշակի համաձայնության գալ ԱՄՆ-ի հետ:
G20-ի առաջիկա գագաթնաժողովը կկայանա Ճապոնիայի Օսկա քաղաքում հունիսի 28-ին և 29-ին։ Մինչ գագաթնաժողովը Թրամփը հայտարարել է, որ հանդիպելու է Ռուսաստանի նախագահ Վլադիմիր Պուտինի ու Չինաստանի ղեկավար Սի Ծինպինի հետ։
Թրամփը ցանկանում է բարեկամական հարաբերություններ հաստատել Ռուսաստանի և Չինաստանի հետ և կարծում է՝ այդպես էլ կլինի: