ԵՐԵՎԱՆ, 23 հունիսի –Sputnik. Գիշերը խոշոր պատահար է տեղի ունեցել մայրաքաղաքում։ «Օպել» մակնիշի ավտոմեքենան վրաերթի է ենթարկել փողոցն անցնող չորս քաղաքացու, որոնցից երկուսը երիտասարդ տղաներ են, երկուսը՝ աղջիկ։
Վրաերթ Սայաթ-Նովա-Մաշտոց խաչմերուկում. 4 հոգի տեղափոխվել են հիվանդանոց. լուսանկարներ
© Sputnik / Stringer
Նրանք մարմնական վնասվածքներ են ստացել ու շտապօգնության մեքենաներով տեղափոխվել Էրեբունի և Սուրբ Գրիգոր Լուսավորիչ բժշկական կենտրոններ։ Վարորդը չի լքել դեպքի վայրը և ներկա է եղել ճանապարհային ոստիկանների համապատասխան աշխատանքներ կատարելուն։
Վրաերթ Սայաթ-Նովա-Մաշտոց խաչմերուկում. 4 հոգի տեղափոխվել են հիվանդանոց. լուսանկարներ
© Sputnik / Stringer
Հիվանդանոցներ տեղափոխված անձինք վրաերթի են ենթարկվել Մաշտոցի պողոտայից Ֆրանսիայի հրապարակ մտնող հատվածում գտնվող հետիոտնային անցման վրա։
Քննությամբ կպարզվի՝ նրանք կանաչ լույսի առկայությամբ են հատել փողոցը, թե՝ ոչ։