ԵՐԵՎԱՆ, 19 հունիսի — Sputnik. Հայաստանի ֆուտբոլի ազգային հավաքականի և Լոնդոնի «Արսենալի» կիսապաշտպան Հենրիխ Մխիթարյանը Իտալիայում կայացած հարսանիքից անմիջապես հետո Մալդիվներ է մեկնել։ Նրա երկրպագուները ֆուտբոլիստի հետ լուսանկարներ են հրապարակել «Վելենա» օդանավակայանից։
Սոցցանցերում հիմա էլ քննարկվում է այս փաստը։ Օգտատերերը ենթադրում են, որ ֆուտբոլիստն այնտեղ հարսանեկան շրջագայության է մեկնել կնոջ` Բեթի Վարդանյանի հետ։
Հունիսի 17-ին ֆուտբոլիստն ամուսնացել է հայ գործարար Միքայել Վարդանյանի դստեր` Բեթի Վարդանյանի հետ։ Հարսանեկան արարողությունն անցկացվել է Սուրբ Ղազար կղզում։
Նրա հարսանիքը գրեթե համազգային նշանակության իրադարձություն դարձավ։ Ֆուտբոլիստի բազմաթիվ երկրպագուները հետևում էին համացանցում հայտնված յուրաքանչյուր հրապարակմանը։
Մխիթարյանի և Բեթիի հարսանիքի տեսանյութերը կարող եք դիտել այստեղ։