ԵՐԵՎԱՆ, 15 հունիսի — Sputnik. «Տաշիր» ընկերությունների խմբի սեփականատեր, միլիարդատեր Սամվել Կարապետյանի կինը՝ Էթերին, Instagram-ում լուսանկարներ է հրապարակել ամուսնու, որդու և դստեր հետ։
«Տաշիրն իմ հայրենիքն է», - լուսանկարներին կից գրել է նա։
Էթերի Կարապետյանի էջի բաժանորդներն անարձագանք չեն թողել լուսանկարները։
«Հիանալի կադրեր են, անթերի բնություն է», «Ձեր լուսանկարներից հետո ուզում եմ հայրենիք գալ», «Գեղեցիկ ընտանիք է», - գրել են նրանք։
Նշենք, որ Սամվել Կարապետյանի դուստրը` Տաթևիկը, արդեն մի քանի օր է` Հայաստանում է։ Պատմական հայրենիք գալուց հետո նա խորհուրդ էր հարցրել իր բաժանորդներից, թե ինչ կարելի է տեսնել Հայաստանում, և առաջիններից մեկն արձագանքել էր ռեփեր Տիմատին։
Կարապետյանը վերջերս հանգստանում էր Իտալիայում։