ԵՐԵՎԱՆ, 14 Հունիս — Sputnik. Դիլիջան քաղաքից 10 կմ հարավ-արևմուտք երկրաշարժ է գրանցվել։ Այս մասին նշված է ՀՀ արտակարգ իրավիճակների նախարարության կայքում։
«Հունիսի 14-ին, տեղական ժամանակով ժամը 03:29-ին (Գրինվիչի ժամանակով` հունիսի 13-ին, ժամը 23:29-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.680 և արևելյան երկայնության 44.780 աշխարհագրական կոորդինատներով երկրաշարժ։ Այն գրանցվել է Դիլիջան քաղաքից 10 կմ հարավ-արևմուտք հատվածում»,– նշված է հաղորդագրության մեջ։
Նշենք, որ երկրաշարժի օջախի 10 կմ խորությամբ է եղել, իսկ ուժգնությունը` 2.5 մագնիտուդ։
Ստորգետնյա ցնցման ուժգնությունն էպիկենտրոնում կազմել է 3 բալ:
Սողանքի դեպքում Երևանում թունաքիմիկատների աղետ կլինի. Լիլիկ Սիմոնյան
Ըստ նախնական տվյալների` երկրաշարժը 2-3 բալ ուժգնությամբ զգացվել է Հրազդան քաղաքում։