Ոստիկանությունը տեսանյութ է հրապարակել, թե ինչպես է ոստիկանության պետ Վալերիյ Օսիպյանը բանակցել սպանության մեջ մեղադրվող տղամարդու հետ։
Ոստիկանությունն օպերատիվ տեղեկություններ է ստացել, որ առանձնապես ծանր հանցագործություն կատարելու մեղադրանքով հետախուզվող 60-ամյա տղամարդը թաքնվում է Կոտայքի մարզի Ալափարս գյուղում՝ հանգուցյալ հորեղբոր տանը։
Նաև տեղեկություն է եղել, որ հետախուզվողը կարող է զինված լինի նռնակով և այլ զենքերով։
Հունիսի 7-ին ՀՀ ոստիկանության ծառայողները ոստիկանության պետ Վալերիյ Օսիպյանի գլխավորությամբ մեկնել են Ալափարս։
Նորամարգի տներից մեկում նռնակ է պայթել. ընտանիքի անդամները հիվանդանոցում են
10 ժամից ավելի տևած գործողությունների ընթացքում հունիսի լույս 8-ի գիշերը Վալերիյ Օսիպյանն անձամբ է զրուցել հետախուզվողի հետ։ Տևական բացատրական հեռախոսազրույցից հետո հետախուզվողը կամավոր դուրս է եկել թաքստոցից և տեղափոխվել ոստիկանության Չարենցավանի բաժին։ Նա կալանավորվել է։
Տղամարդը մահացավ, կնոջ վիճակը ծայրահեղ ծանր է. նոր մանրամասներ Նորամարգի պայթյունից