ԵՐԵՎԱՆ, 8 հունիսի – Sputnik. Մեր տեղեկություններով՝ երեկ գիշեր արտառոց դեպք է տեղի ունեցել Գեղարքունիքի մարզում:
Գյուղերից մեկում ապրող 30-ամյա մի կին գլխի և դեմքի շրջանի արնահոսող վնասվածքներով իրենց տնից տեղափոխվել է գյուղի բուժհաստատություն, որտեղ նրանց ցուցաբերվել է անհետաձգելի բուժօգնություն:
Ըստ գյուղում շրջանառվող որոշ տեղեկությունների կնոջը դաժան ծեծի է ենթարկել նրա 33-ամյա ամուսինը: Միջադեպը տեղի է ունեցել նրանց տանը՝ անչափահաս երեխաների ներկայությամբ:
Տղամարդը նախ փայտով հարվածել է կնոջ գլխին, ապա ձեռքերով՝ մարմնի տարբեր մասերին:
Sputnik Արմենիայի տեղեկություններով՝ վեճի պատճառը կենցաղային բնույթ ունի: