ԵՐԵՎԱՆ, 8 հունիսի – Sputnik. Հայտնի երգչուհի, դերասանուհի և pole-dance–ի աշխարհի չեմպիոն Վարդան (Վարդանուշ Մարտիրոսյան) անհավանական ճկունություն և պլաստիկա է ցուցադրել ուկրաինացի երգչուհի, «Տաք շոկոլադ» («Горячий Шоколад») խմբի նախկին մենակատար Տատյանա Ռեշետնյակի հիթի ուղեկցությամբ։
Ընդ որում` Վարդան իր պարը ներկայացնում է մարմինը կիպ գրկած կոմբինեզենով և բացատրել է` ինչու է նման պուրիտանական հանդերձանք ընտրել։
«Այժմ ձողի վրա պարերի տեսանյութ հրապարակելը հեշտ չէ, կարծես թե Instagram–ը արգելափակում է որոշ տեսանյութեր` դրանք չափից ավելի էրոտիկ համարելով», – խոստովանել է Վարդան։
Նրա խոսքով` կան նաև սոցցանցի հետ աշխատանքի այլ դժվարություններ։
«Ռուսական թրեքերի տակ ևս ստիպված ես լինում պարել, որպեսզի խուսափես արգելափակումից, բայց լավ է` կան այսպիսի հզոր երգեր, ինչպիսին TAYANNA–ի (Տատյանա Ռեշետնյակ) «9 կյանք» է», – գրել է պարուհին։
Երկրպագուների համար այսքանը բավական էր, որպեսզի Վարդային ողողեին հաճոյախոսություններով։
«Վարդա, դու պարզապես հրաշք ես, աչք կտրելն անհնար է։ Շքեղ ես։ Կանացի։ Զգայուն։ Ես պարզապես հիացած եմ», – գրել է itsmelily85–ը։
«Դուք բոլորից լավ եք պարում, ինչ–որ հատուկ շարժումներ են, հատուկ աուրա… մի խոսքով` ՎԱՐԴԱ ❤», – ավելացրել է ninel_lik–ը։
«Այսքան նուրբ և առանց մի գրամ գռեհկության միայն ձեզ մոտ է ստացվում», – նկատել է ksenovich_ys–ը։
Վարդան ծնվել է 1985 թվականի մարտի 3-ին Կրիվոյ Ռոգում` բազմազավակ ընտանիքում։ Երկու բարձրագույն կրթություն է ստացել` էստրադայի և զանգվածային տոների բեմադրիչի և ֆիզիկական դաստիարակության մենեջերի, մարզչի։
Վարդան մեծ հաջողությունների է հասել pole-dance–ում և նվաճել է աշխարհի ամենահեղինակավոր տիտղոսները` ելույթ ունենալով «Սև հրեշտակ» կեղծանունով։