Սարսափելի վթար Երևանում. վրաերթի ենթարկվածը տեղում մահացել է. լուսանկարներ

ԵՐԵՎԱՆ, 6 հունիսի — Sputnik. Քիչ առաջ սարսափելի դեպք է տեղի ունեցել մայրաքաղաքում։

Նոր Նորք վարչական շրջանի Դավիթ Բեկի փողոցում «Տոյոտա» մակնիշի ավտոմեքենան վրաերթի է ենթարկել մոտ 40 տարեկան տղամարդու, որի անձն այս պահի դրությամբ հայտնի չէ։

Վրաերթի ենթարկվածը տեղում մահացել է։ Նա փողոցն անցել է չթույլատրված հատվածով։ «Տոյոտայի» վարորդը չի լքել դեպքի վայրը։

Տեղում ծառայություն իրականացնող ճանապարհային ոստիկանները ստուգել են նրա սթափության աստճանը. վարորդն ալկոհոլ օգտագործած չի եղել։

Դեպքի մանրամասները պարզում են քննչական կոմիտեի և ոստիկանության ծառայողները։