22–ամյա Կոդիի մայրը ներկայացրել է որդուն ժյուրիին և հանդիսատեսին։
«Կոդին կույր է և տառապում է աուտիզմով։ Մի անգամ մենք նկատեցինք, որ երբ նա երաժշտություն է լսում, նրա աչքերն աշխուժանում են։ Եվ երբ նա սկսեց երգել, ես հեկեկացի։ Մտածեցի, որ նա իսկական արտիստ է», – պատմել է կինը։
Նրա խոսքով` իրականում երաժշտությունը փրկել է նրա կյանքը։
Կոդիի հոգեթով կատարումը հուզել է դահլիճում ներկա մարդկանց։
«Առաջին հերթին ուզում եմ ասել, որ ժյուրիի բոլոր չորս անդամները և հանդիսատեսը ոտքի են կանգնել։ Դու պետք է դա իմանաս», – նշել է ժյուրիի անդամներից մեկը։
«Դու հիանալի էիր ոչ միայն քո աուտենտիկության շնորհիվ, այլ նաև քո մեծ տաղանդի, և դու ոգեշնչում ես։ Դա հիանալի էր», – ասել է մյուսը։
Մի խոսքով, ուղղակի դիտեք և լսեք մինչև վերջ։ Այս տեսանյութը չի կարող անտարբեր թողնել։