ԵՐԵՎԱՆ, 1 հունիսի – Sputnik. Այսօր՝ հունիսի 1-ին, ողբերգական ավտովթար է տեղի ունեցել Սյունիքի մարզում: Ժամը 01:00-ի սահմանում Գորիս քաղաքի բնակիչ՝ 46-ամյա Վարդգես Խաչատրյանն իր վարած «Գազ 3110» մակնիշի 34 TF 042 համարանիշի ավտոմեքենայով Երևան-Մեղրի ավտոճանապարհի 230 կմ հատվածում դուրս է եկել երթևեկելի գոտուց և հայտնվել ձախ հատվածում գտնվող ձորում:
Ինչպես հայտնում է shamshyan.com-ը, վթարի հետևանքով Վ. Խաչատրյանը տեղում մահացել է: Նրա դին ավտոմեքենայից դուրս հայտնաբերել են արտակարգ իրավիճակների նախարարության փրկարար ծառայության Գորիսի հրշեջ-փրկարարական ջոկատի փրկարարները:
Կայքի տեղեկություններով` Խաչատրյանը ծառայում է ՀՀ ՊՆ բանակային կորպուսում՝ որպես պայմանագրային զինծառայող: