«Ազգային գեղեցկության մրցույթի» անցկացման, արդյունքների, իրենց հասցեին հնչած քննադատությունների և առաջիկա ծրագրերի մասին է հերթական Sputnik զրույցը։
Մայիսի 11-ին Երևանում անցկացվեց «Ազգային գեղեցկության մրցույթը», որի հաղթող ճանաչվեց 19 տարեկան Հայկուհի Մաթևոսյանը:
Գեղեցկուհին Երևանից է, սովորում է ԵՊՀ–ի իրավագիտության ֆակուլտետում, 10 տարի զբաղվել է պրոֆեսիոնալ պարով ու հաճախել է երաժշտական դպրոց։ Իր տաղանդներից մեկը համարում է դերասանական արվեստը: Կարծում է, որ ունի տարբերվող արտաքին։
«Շատ կարևոր է, որ գեղեցկությունը բնական լինի, առանց նորաձև պլաստիկ շտկումների»,-ասում է «Ազգային գեղեցկության մրցույթի» հաղթող Հայկուհի Մաթևոսյանը։
Ըստ Մաթևոսյանի՝ կնոջ ամենակարևոր առաքելությունը մայրությունն է։
Ազգային գեղեցկության մրցույթ վերջին անգամ անցկացվել է 2012 թվականին։