ԵՐԵՎԱՆ, 25 մայիսի — Sputnik. Հիվանդանոցում մահացել է Արարատի մարզում խոշոր ավտովթարից հետո հիվանդանոց տեղափոխված հինգ անձանցից մեկը մահացել է։
Ինչպես հայտնում է shamshyan.com–ը, մայիսի 24-ին հիվանդանոցում մահացել է 66-ամյա Սերժիկ Արզումանյանը, որն Արարատի բժշկական կենտրոն էր տեղափոխվել մայիսի 23-ին Արարատ քաղաքի Երկաթուղային և Սպանդարյան փողոցների խաչմերուկում տեղի ունեցած խոշոր ավտովթարից հետո։
Մահացած քաղաքացին ավտովթարի պահին եղել է Mercedes մակնիշի ավտոմեքենայում, որը վարել է ՀՀ ՊՆ զորամասերից մեկի զինծառայող, 23-ամյա Թադևոս Նահապետյանը։ Hyundai Azera-ն վարել է Ռուսաստանի Դաշնության քաղաքացի, 46-ամյա Ջամալուդին Մութաևը։
Վթարի հետևանքով Արարատի հիվանդանոց էին տեղափոխվել երկու ավտոմեքենաների վարորդները, ուղևորներ 19-ամյա Աննա Բալասանյանը, Ս. Արզումանյանն ու 64-ամյա Գարիկ Արզումանյանը։