ԵՐԵՎԱՆ, 22 մայիսի — Sputnik. Երևանյան մետրոպոլիտենի բոլոր կայարաններում այսօր ամբողջ օրվա ընթացքում կհնչեն լեգենդար ֆրանսիահայ շանսոնյե Շառլ Ազնավուրի երգերը։ Այս մասին Facebook սոցիալական կայքում հայտնել է մետրոպոլիտենի մամուլի քարտուղար Տաթև Խաչատրյանը։ Նա նաև տեսանյութ է հրապարակել։
«Հայ մեծանուն շանսոնյեի՝ Շառլ Ազնավուրի ծննդյան օրվա կապակցությամբ, Երևանի մետրոպոլիտենի բոլոր կայարաններում ՝ ողջ օրվա ընթացքում հնչելու են նրա ստեղծագործությունները», – գրել է նա։
Ֆրանսիահայ շանսոնյե Շառլ Ազնավուրը ծնվել է Փարիզում հայ դերասանների ընտանիքում 1924 թվականի մայիսի 22–ին։