ԵՐԵՎԱՆ, 20 մայիսի – Sputnik. Մեր տեղեկություններով՝ երեկ գիշեր արտառոց դեպք է տեղի ունեցել Արարատի մարզում։ Արտաշատի հիվանդանոցից 60-ամյա մի տղամարդու են տեղափոխել Երևան՝ «Էրեբունի» բժշկական կենտրոն։ Նա մի քանի օր բուժում է ստացել Արտաշատի հիվանդանոցում, քանի որ տառապում էր խրոնիկ հիվանդությամբ։
Տղամարդը վիրաբուժական բաժանմունքի երկրորդ հարկից նետվել է ասֆալտին՝ ստանալով մարմնական լուրջ վնասվածքներ։
Ինքնասպանության փորձից որոշ ժամանակ անց՝ մայիսի լույս 20-ի գիշերը, տղամարդը «Էրեբունի» բժշկական կենտրոնի վերակենդանացման բաժանմունքում մահացել է՝ այդպես էլ գիտակցության չգալով։
Մեր տեղեկություններով՝ նա ապրում էր Արարատի մարզի Նոր Խարբերդ գյուղում։