ԵՐԵՎԱՆ, 17 մայիսի — Sputnik. Ռուսական «Ունիվեր» հեռուստասերիալի աստղ Աննա Խիլկևիչը անկեղծ հարցազրույց է տվել Իրինա Շիխմանին YouTube–ի «Բայց խոսե՞լ» ծրագրում։
Դերասանուհին նշել է, որ առաջին ամուսնությունը ՏՆՏ–ի «Բարվիխա» սերիալի մենեջեր Անտոն Պոկրեպոյի հետ անհաջող է եղել, որովհետև երիտասարդ զույգը բազմաթիվ սխալներ է արել։ Աննան հաշվի է առել դրանք, երբ երկրորդ անգամ ամուսնացել է գործարար Արթուր Մարտիրոսյանի հետ։
Զույգն օրինականացրել է հարաբերությունները 2015թ–ին։ Այդ ժամանակ` 2015թ–ին, ծնվել է նրանց դուստրը` Արիանան։ 2018թ.–ի օգոստոսի 20–ին ծնվել է զույգի երկրորդ երեխան։
Հայի հետ ամուսնության ընթացքում դերասանուհին հասկացել է, որ տղամարդուն պետք է հնարավորություն տալ ինքնուրույն լուծել խնդիրները։
«Անհնար է դառնալ կատարյալ կին։ Բայց մի բան հաստատ է, որ պետք չէ սղոցել ամուսնու ուղեղը», – նշել է Աննա Խիլկևիչը։
Աղջիկը խոստովանել է, որ սկզբից չի կարողացել գլուխ հանել ամուսնուց և երկու դուստրերից։ Հատկապես բարդ է եղել, մինչև դայակ գտնելը։ Այդ ժամանակ զույգը նույնիսկ մտածել է ամուսնալուծվելու մասին։
Ընտանեկան կյանքում մեկ այլ խնդիր է դարձել եկամուտը։ Խիլկևիչն ամուսնուց շատ է գումար վաստակել, ինչն այդքան ընդունելի չէ ավանդական հայկական ընտանիքի համար։ Բայց դերասանուհին կարողացել է բացատրել ամուսնուն, որ դա չպետք է փորձաքար լինի։
Արդյունքում նրանց հաջողվել է փոխզիջում գտնել. հիմա ընտանիքն ընդհանուր բյուջե ունի, իսկ ամուսինը` մի քանի բիզնես։
Աղջիկն ավելորդ համեստություն չի արել և խորհուրդ է տվել, թե ինչպես կողքին պահել տղամարդուն և պահպանել հարաբերությունները։ Նրա կարծիքով` անհրաժեշտ է մշտապես սեքսով զբաղվել` առնվազն շաբաթական 2-3 անգամ։
Քիմ Քարդաշյանին կլոնավորե՞լ են. հեռուստաաստղը լուսանկար է հրապարակել իր նմանակների հետ
«Երբ ամուսինն ու կինը սեքսով չեն զբաղվում, ինչ–որ հարցեր են ծագում, որոնք նյարդայնացնում են», – կարծում է Աննան։
Դերասանուհին վերջերս է վերադարձել Դուբայից, որտեղ ամուսնու և երեխաների հանգիստն էր վայելում։ Նա սոցցանցի իր երկրպագուներին հիացրել է ուրախ լուսանկարներով։