«Այսօր մեր ազատ օրն է։ Եկանք այս հիանալի այգի։ Բոլորին` լավ տրամադրություն»,– ասում է հավաքականի մարզիչ Յուրի Պոկլադը։
Նրա խոսքով` հավաքականը պատրաստվում է Կիպրոսի հետ վաղվա հանդիպմանը։
Հիշեցնենք` Երևանի 2800–ամյակին նվիրված այգու հանդիսավոր բացումը կայացավ երեկ` մայիսի 10-ին։ Բացման մասնակցեցին ՀՀ վարչապետ Նիկոլ Փաշինյանն ու Երևանի քաղաքապետ Հայկ Մարությանը։
Նշենք, որ այգին վերանորոգվել և ամբողջությամբ վերակառուցվել է Վարդանյան ընտանիքի ֆինանսավորմամբ։ Աշխատանքների վրա ծախսվել է 5,3 միլիոն դոլար։
Այգում տեղադրված է 2800 շատրվան, 7 բրոնզե հուշարձան։ Այն զարդարված է հին հայկական գորգերի նախշերով և 70 տեսակի 250 ծառերով։ Վարդանյանների ընտանիքը 99 տարի հոգալու է այգու վերանորոգման աշխատանքների և խնամքի հետ կապված բոլոր ծախսերը։