ԵՐԵՒԱՆ, 7 Մայիս — Sputnik. Լոնտոնի «Արսենալ»-ի կիսապաշտպան Հենրիխ Մխիթարեան թերեւս վերադառնայ Տորտմունտ քաղաքի «Պորուսիա» խումբ:
Ինչպէս կը տեղեկացնէ «Արսենալ»-ի AFC TV եութուպեան ալիքը, գերմանական ակումբը հետաքրքրուած է Հայաստանի ազգային հաւաքականի աւագը ետ բերելու տարբերակով:
Անգլիոյ ընթացիկ առաջնութեան մէջ հայ կիսապաշտպանը մասնակցած է 23 հանդիպման, դարձած 6 կոլի ու 4 կոլային փոխանցման հեղինակ:
Յիշեցնենք, որ Հենրիխ Մխիթարեան «Արսենալ»-ին միացած է 2018-ի յունուարին, որուն հետ անոր գործող պայմանագիրը նախատեսուած է մինչեւ 2021-ի ամառը: Ատկէ առաջ ան 2016-ի յուլիսէն կը խաղար «Մանչեսթըր Եունայթըտ»ին, որուն կազմին մէջ ունեցած է 39 հանդիպում եւ դարձած 5 կոլի հեղինակ: Տորտմունտ քաղաքի «Պորուսիա» խումբին մէջ հայ կիսապաշտպանը հանդէս եկած է 2013-2016 թուականներու ընթացքին: