Հայաստանում պանրով գերմանական ապուրն ավելի լավ ու համեղ են պատրաստում, քան Գերմանիայում։ Այս եզրակացությանն են եկել զբոսաշրջիկները, որոնք համեմատել են պատրաստման երկու եղանակները։ Թե ինչով է հայկական ձևով պատրաստված գերմանական ապուրը գրավել զբոսաշրջիկներին՝ Sputnik Արմենիայի թղթակիցները պարզել են «Համով Հայաստան» խոհարարական ծրագրի շրջանակում։
Այդ հարցում նրանց օգնել է մայրաքաղաքի ռեստորաններից մեկի շեֆ խոհարար Գոռ Հակոբյանը։
Պանրով ապուր պատրաստելու համար օգտագործել ենք գազար, շամպինիոն, ջուր, կրեմ պանիր, կարտոֆիլ, աղ, պղպեղ, մաղադանոս ու ձեթ։