ԵՐԵՎԱՆ, 30 ապրիլի — Sputnik. Տավուշում վիրավորում ստացած պայմանագրային զինծառայողն ուղղաթիռով կտեղափոխվի Երևան։
Այս մասին տեղեկությունը Facebook-ի իր էջում հրապարակել է ՀՀ ՊՆ մամուլի խոսնակ Արծրուն Հովհաննիսյանը։
«Տավուշում վիրավորված պայմանագրային զինծառայողի վիճակը ծանր կայուն է, վիրավորում է ստացել գլխի շրջանում, շուտով ուղղաթիռով կտեղափոխվի Երևան»,–գրել է Հովհաննիսյանը։
Նշենք, որ պայմանագրային զինծառայողը վիրավորում է ստացել Տավուշի զորամասերից մեկում, հակառակորդի կրակոցից։