ԵՐԵՎԱՆ, 28 ապրիլի –Sputnik. Սանկտ Պետերբուրգում այսօր պայթյունը տեղի է ունեցել։ Այս մասին հայտնում է «Հինգերորդ ալիքը»։
Նշվում է, որ միջադեպը տեղի է ունեցել քաղաքի հարավային հատվածում գտնվող Օկտյաբրսկի առափնյա փողոցում։
Հեռուստաալիքի տվյալներով, տղամարդը ուսումնասիրում էր առափնյա տարածքը մետաղաջարդոն գտնելու հույսով, երբ ինչ-որ արկ է պայթել։
Միջադեպի հանգամանքները պարզվում են։ Դեպքի վայրում աշխատում են մասնագետները։ Նրանք զննում են տարածքը վտանգավոր առարկաների առկայությունը պարզելու համար։
Ինչպես հայտնում են ռուսական այլ ԶԼՄ–ներ, տուժածը ողջ է, բայց լուրջ վնասվածքներ է ստացել։ Նշվում է, որ նա կորցրել է ձեռքը։ 20-ամյա տղային այժմ բուժօգնություն են ցուցաբերում
Նախնական վարկածի համաձայն` խոսքը Հայրենական մեծ պատերազմի տարիների արկի մասին է։