ԵՐԵՎԱՆ, 28 ապրիլի — Sputnik. Ռուսաստանի Առողջապահության նախարարության արտահաստիքային գլխավոր դիետոլոգ Վիկտոր Թութելյանը ներկայացնում է, թե ինչպես պատրաստել խորոված, որպեսզի այն չվնասի առողջությանը։
RT–ին տված հարցազրույցում Թութելյանն ասել է, որ խորովածի միսը պետք է մարինադ դրվի և մանրակրկիտ խորովվի։
Խորովածին պետք է ավելացնել բանջարեղեն և կանաչի, քանի որ դրանք օգտակար սննդային բջջանյութ են պարունակում, որոնք նպաստում են մարսողությանը։
Նախևառաջ, Թութելյանը խորհուրդ է տալիս նախապատվություն տալ մսի ոչ ճարպոտ տեսակներին, օրինակ` ոչխարի մսին։ Սակայն եթե, ամեն դեպքում, ընտրել եք խոզի միսը, ցանկալի է նախապես ճարպազերծել այն։
Ամենակարևորը, դիետոլոգի կարծիքով, շատ չուտելն է։ «5 շամփուր միս ուտելու դեպքում, ինքնազգացողությունը կվատանա», – նշել է նա և խորհուրդ տվել դրա փոխարեն ուտել մեկ շամփուր, բայց լավ պատրաստված խորոված։
ՌԴ ԱԻՆ–ը ապրիլին երկրի բնակիչներին թույլ տվեց խորոված պատրաստել բնության գրկում անվտանգության կանոնները պահպանելու պայմանով։