Լավ լուր Սուրենյանից. ցրտահարության վտանգը կարող ենք համարել ավարտված

Ցրտահարության հարցում, ըստ Սուրենյանի, բացառություն կազմեց Գորիսի հատվածը, որտեղ վերջին 3-4 օրերին գրանցվեցին բացասական ջերմաստիճաններ։
Sputnik

ԵՐԵՎԱՆ, 26 ապրիլի — Sputnik. Ցրտահարության վտանգը կարող ենք համարել ավարտված։ Այս լավ լուրը Facebook-ի իր էջում հրապարակել է ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը։

Չոր ու տաք գարունը մոտենում է. եղանակի տեսություն

«Քանի որ վերջին օրերին մեզ վրա հասած ցրտերը արդեն անցյալում են և օդի ջերմաստիճանը սկսել է ինտենսիվ բարձրանալ, կարող ենք ֆիքսել կարևոր մի փաստ, որ հանրապետության հովտային և նախալեռնային գոտում այս տարի ցրտահարություն չեղավ։ Բացառություն կազմեց Գորիսի հատվածը, որտեղ վերջին 3-4 օրերին գրանցվեցին բացասական ջերմաստիճաններ»,–գրել է Սուրենյանը։

Նա տեղեկացրել է, որ այսօրվանից ցրտահարության վտանգը կարող ենք համարել ավարտված, քանի որ առաջիկա օրերին օդի ջերմաստիճանի բարձրացումը շարունակվելու է։

Ապրիլի 26-28-ին օդի ջերմաստիճանը հանրապետության ողջ տարածքում կրկին աստիճանաբար կբարձրանա ևս 5-6 աստիճանով։