ԵՐԵՎԱՆ, 23 ապրիլի — Sputnik. Nordwind Airlines ավիաընկերության` Մոսկվա–Երևան չվերթն իրականացնող ինքնաթիռի ուղևորներից մեկի ինքնազգացողությունը վատացել է թռիչքի ընթացքում։ Այս մասին հայտնում է ՌԵՆ ՏՎ–ն։
Անձնակազմը որոշել է արտակարգ վայրէջք կատարել Դոնի Ռոստովի Պլատով օդանավակայանում։
Հեռուստաընկերության տվյալներով` կինը Հայաստանի քաղաքացի է։
Նշվում է, որ նա մահացել է։
Ինքնաթիռում եղել են 176 ուղևոր և անձնակազմի 6 անդամ։
ՌԵՆ ՏՎ–ն դեպքի մասին այլ մանրամասներ չի հաղորդում։ Սակայն Երևանի «Զվարթնոց» միջազգային օդանավակայանի չվերթերի առցանց ցուցատախտակում նշված է, որ Մոսկվայից Երևան չվերթ իրականացնող Nordwind Airlines ավիաընկերության ինքնաթիռն իսկապես այսօր մեծ ուշացումով է հասել Երևան։
Ըստ «Զվարթնոցի» կայքում առկա տեղեկության` այսօր գիշերը 2։30 Մոսկվայից օդ բարձրացած ինքնաթիռը, որ Երևանում պետք է վայրէջք կատարեր առավոտյան 05։00-ին, իրականում Երևան է հասել միայն 06։50-ին։