ԵՐԵՎԱՆ, 22 ապրիլի— Sputnik. Հայաստանի հանրապետության անձնագրի վարկանիշը վերջին 3-4 տարիներին ակտիվորեն բարձրանում է: Ազգային ժողովի նիստին այս մասին ասաց ՀՀ ԱԳ փոխնախարար Գրիգոր Հովհաննիսյանը՝ պատասխանելով պատգամավորների այն մտահոգությանը, թե հայկական անձնագրերը զգալիորեն զիջում են տարածաշրջանի այլ երկրների անձնագրերին։
Փոխնախարար Հովհաննիսյանը չհամաձայնեց այդ դիտարկմանը` նշելով, որ Վրաստանը միայն որոշ չափով առաջ է անցել Հայաստանից` շնորհիվ ԵՄ հետ արտոնագրային ռեժիմը:
«Մենք շատ չենք զիջում նրանց: Մենք աշխատում ենք Աֆրիկայի, Մերձավոր Արեւելքի երկրների և այլ տարածաշրջանների հետ: Ադրբեջանին նույնպես քիչ ենք զիջում: Նրանք ակտիվորեն աշխատում են իսլամական աշխարհի երկրների հետ, մենք՝ Լատինական Ամերիկայի երկրների և այլ տարածաշրջանների հետ, բայց այդ ուղղությամբ դեռ շատ անելիք կա», - ասաց Հովհաննիսյանը:
ԱԳ փոխնախարարը հայտնեց նաև, որ վերջին 3-4 տարիներին այս ուղղությամբ առաջընթաց է գրանցվել։ Հայաստանը մի շարք երկրների հետ դյուրացրել է վիզայի ստացման ռեժիմները և այսօր այս ուղղությամբ բանակցություններ է վարում որոշ նոր երկրների հետ։