Մայրաքաղաքում տեղացած կարկուտն ու հորդ անձրևը հեղեղումների պատճառ են դարձել։
Երևանցիները ստիպված են քայլել փողոցներով ու մայթերով հոսող ջրի հորդ շիթերի ու առվակների միջով։ Անձրևի ու կարկուտի պահին փողոցում մնացած երևանցիների ընտրությունը մեծ չէ` կանգնել ու թրջվել կամ անցնել փողոցով հոսող գետի միջով ու թրջել ոտքերը։
Հերթական «անսպասելի» տեղումները կաթվածահար են արել հատկապես կենտրոնական փողոցների երթևեկությունը։
Քաղաքի ջրահավաք համակարգը, ինչպես միշտ, այսօր էլ չի հասցնում կլանել ջուրը։ Գետերի վերածված անձրևաջուրը մնում է փողոցի երթևեկելի մասում։