Անի Այվազյանը նշում է, որ ամռանը մեծանում է պլաստիկ վիրաբույժի այցելուների թիվը։
«Նաև զբոսաշրջիկներն են մեզ դիմում։ Արտասահմանցիները, ովքեր պլանավորում են հանգիստը Հայաստանում անցկացնել, նաև տարբեր վիրահատական միջամտությունների համար են դիմում»։
Այվազյանը նշում է, որ Հայաստանում ավելի մատչելի է պլաստիկ վիրաբույժին դիմելը։
«Մարդիկ դիմում են, փորձում են և տեսնում են, որ գինը մատչելի է, բայց մեր բժիշկները ոչնչով չեն զիջում արտերկրի մասնագետներին»,– ասում է նա։
Պլաստիկ վիրաբուժություն մեջ այժմ մեծ պահանջարկ ունեցող վիրահատություններից է լիպոսակցիան։
«Լիպոսակցիան համարվում է այն վիրահատություններից, որն այժմ մեծ պահանջարկու ունի։ Պացիենտները ցանկանում են ավելի հեշտ ճանապարհով գնալ․ չեն ցանկանում մարզվել, սննդակարգին հետևել»,- ասում է վիրաբույժը։
Այվազյանը հիշեցնում է՝ լիպոսակցիան նիհարեցնող միջոց չի համարվում։ Սակայն կա սխալ պատկերացում. մարդիկ մտածում են, որ այդ միջոցով կարող են մի քանի կիլոգրամ կորցնել։ Մինչդեռ ճարպազատման վիրահատական այդ մեթոդը թույլ է տալիս միայն շտկել մարմնի այս կամ այն հատվածները։
Վիրաբուժական միամտությունից հետո պացիենտները պետք է հետևեն իրենց կազմվածքին` ճիշտ սննդակարգի և մարզումների միջոցով։ Քանի որ մեծ ծավալի ճարպ են հեռացնում օրգանիզմից և չհետևելու արդյունքում ճարպերը կվերադառնան։