ԵՐԵՎԱՆ, 28 մարտի — Sputnik. Կինը երեք երեխա է ունեցել մեկ ամսվա ընթացքում։ Այս մասին հայտնում է Asia One հարթակը։
Քսան տարեկան Արիֆա Սուլթանան լույս աշխարհ է բերել առաջին երեխային փետրվարի վերջին։ Ծննդաբերությունն առանց բարդությունների է անցել։ Բժիշկները չեն նկատել, որ կինը հազվադեպ անոմալիայի արդյունքում երկրորդ արգանդ ունի։
Մեկ ամիս անց` մարտի 22–ին Սուլթանայի մոտ նորից երկունքի նշաններ են ի հայտ եկել։ Կնոջը շտապ հիվանդանոց են տեղափոխել։ Նրան արտակարգ կարգով կեսարյան հատում են արել ու հանել երկու նորածնի` տղա ու աղջիկ։
Իշխանությունը մտադիր է այդ հիվանդանոցում ստուգում անցկացնել։ Կնոջը տուն են թողել։
Չնայած լավ լուրերին, ընտանիքը հիմա մտածում է ` ինչպես վարվել անդամների ավելացման այդքան անակնկալ հանգամանքի պարագայում, քանի որ Սուլթանայի ամուսինն ամսական ընդամենը 6 հազար Բանգլադեշի տակա (71 դոլար) է ստանում։