ԵՐԵՎԱՆ, 28 մարտի — Sputnik. Մեր տեղեկություններով՝ ժամեր առաջ արտառոց դեպք է տեղի ունեցել Սևանի քրեակատարողական հիմնարկում:
Դատապարտյալներից մեկի մայրը և նրա իրերը տեսակցությունից առաջ զննվել են:
Կալանավայրի աշխատակիցները կնոջ բերանից դուրս են հանվել մասնատված դեղահաբի կտորներ, որոնք թաքցված են եղել ինչ-որ փաթեթում:
Ենթադրվում է, որ դեղահաբի կտորները հոգեներգործուն են և դրանց օգտագործումն արգելվում է, այլապես ազատազրկված որդուն տեսակցության եկած մայրը բերանում չէր թաքցնի:
Ըստ որոշ տեղեկությունների՝ 25-ամյա երիտասարդը արդեն 5 տարի բանտում է սպանության համար: