ԵՐԵՎԱՆ, 24 մարտի – Sputnik. Ժամը 10:17-ի դրությամբ ՀՀ տարածքում կան դժվարանցանելի ավտոճանապարհներ:
Այս մասին տեղեկացնում են ՀՀ Արտակարգ իրավիճակների նախարարությունից:
Վարդենյաց լեռնանցքը դժվարանցանելի է միայն կցորդիչով բեռնատարների համար, իսկ Սոթք-Քարվաճառ ավտոճանապարհը՝ միայն բեռնատարների համար:
Շիրակի մարզի Ամասիայի և Աշոցքի տարածաշրջաններում, Գյումրի քաղաքում տեղում է ձյուն:
Շիրակի մարզի Աշոցքի տարածաշրջանում բուք է:
Իսկ Վրաստանի տարածաշրջանային զարգացման և ենթակառուցվածքների նախարարության ավտոճանապարհային դեպարտամենտից ստացված տեղեկության համաձայն Ստեփանծմինդա-Լարս ավտոճանապարհը փակ է բոլոր տեսակի ավտոմեքենաների համար: