«Տարիներ անցան» ծրագրի հյուրն է Թերլեմեզյանի անվան գեղարվեստի պետական քոլեջի տնօրեն Աննա Մնացականյանը։
Նա այլևս չի զարմանում, երբ մի որևէ լուրջ հիմնարկում, ի դեմս պատկառելի չինովնիկի, հանդիպում է իր բակի ընկերոջը, որի հետ փոքր տարիքում ծառ է բարձրացել կամ «կազակի–ռազբոյնիկի» խաղացել։
Աննա Մնացականյանը պատմում է «գործագործ» խաղի կանոնների մասին և հիշում «ալաբալանիցան»։ Պարզվում է` դա հանգավորված և անհասկանալի բառերի կույտ չէր, այլ հայտնի արտասահմանյան զվարճանքի և շուտասելուկի հայկական տարբերակը։
«Տարիներ անցան» ռադիոնախագիծը նվիրված է բակային խաղերին և մոռացված ավանդույթներին, հին հարևաններին, դպրոցական կյանքին և անցյալի վառ պատմություններին։