ԵՐԵՎԱՆ, 24 փետրվարի –Sputnik. Ռուսաստանի արտգործնախարար Սերգեյ Լավրովը հայտարարել է, որ Սիրիայում Ռուսաստանի, Թուրքիայի և Իրանի համատեղ մարտական գործողություններ չեն նախատեսվում, հայտնում է ՌԻԱ Նովոստին։
Լավրովը հիշեցրել է, որ Ռուսաստանը, Թուրքիան և Իրանը Սիրիայում հրադադարի երաշխավորներ են։ Նախարարը պարզաբանել է, որ Ռուսաստանն ու Իրանը Սիրիայի տարածքում գործում են արաբական հանրապետության լեգիտիմ կառավարության հրավերով։
Թուրքիան մտահոգություն է հայտնում իր անվտանգությանը սպառնացող վտանգի վերաբերյալ, իսկ Սիրիայի կառավարությունը բողոքում է պետության տարածքում թուրքական զինվորականների ներկայության դեմ։ Այնուամենայնիվ, այն սատարել է Աստանայի ձևաչափի ստեղծմանը։
«Սա պրագմատիկ որոշում է, որը թույլ է տվել հասնել այն բանին, ինչը ոչ ոքի չէր հաջողվել` Սիրիայի տարածքի մեծ մասում իրական հրադադարի ապահովում, ինչպես նաև կառավարության և զինված ընդդիմության միջև անմիջական երկխոսության մեկնարկի ապահովում», – ավելացրել է նա։
Ավելի վաղ Թուրքիայի նախագահ Ռեջեփ Թայիփ Էրդողանը չբացառեց, որ Թուրքիան, Ռուսաստանը և Իրանը սիրիական Իդլիբում ռադիկալ խմբավորումների դեմ կարող են համատեղ գործողություններ իրականացնել։