Երևանում ժամը 11-ից երգ ու պարով, ծաղիկներով ու հանելուկներով, թատերական ներկայացումներով իր դռները կբացի Թումանյանի թանգարանը։ Օրն այստեղ կավարտվի «Անուշ» մոնոօպերայով ու հրավառությամբ։Դսեղում համերգ կտան «Բամբիռն» ու «ԹմբաԹան», կհնչեն հատվածներ «Անուշից» , «Շունն ու կատուն» կխաղան տեղի դպրոցականները։
Թբիլիսիում տոնական միջոցառումներին կմիանան Ազգային գրադարանից։
Ի դեպ, միջոցառումները կանցնեն նաև ՅՈՒՆԵՍԿՕ-ի հովանու ներքո։Մեզ հետ զրույցում ՀՀ մշակույթի նախարարության մշակութային ժառանգության և ժողովրդական արհեստների վարչության պետ Աստղիկ Մարաբյանը շեշտում է ՝ սին են կասկածները, թե միջոցառումները դուրս են մնացել իշխանությունների հոգածությունից։
Վարչապետի հովանու ներքո անցնող հոբելյանն ամենայն հավանականության հենց վարչապետի թումանյանական ընթերցանությամբ էլ կսկսվի։