ԵՐԵՎԱՆ, 11 փետրվարի — Sputnik. «Մատչ ՏՎ» հեռուստաալիքի գլխավոր տնօրեն, ռուսաստանցի հեռուստաաստղ Թինա Կանդելակին վարժություններ է արել` կատարյալ կազմվածք ունենալու համար, ապա տեսանյութը հրապարակել Instagram սոցիալական ցանցում։
«Սեփական մարմնի վարժությունները նվազագույն տարածք են զբաղեցնում, չեն պահանջում մարզասարքեր և հիանալի համադրվում են այժմ հայտնի ինտերվալային մարզումների հետ։ Հիմա ես մարզվում եմ այդ սխեմայով և միաժամանակ նիհարում, որովհետև ձմռանը մարդիկ քաշ են հավաքում», – տեսանյութի տակ գրել է Կանդելակին։
Նրա խոսքով` այդ մեթոդիկան առաջին անգամ թույլ է տալիս նրան նիհարել կալորիականությունը չնվազեցնելու հաշվին, ինչն միշտ իր հետ բերում է ախորժակի բարձրացում։
«Ուստի կենտրոնանում ենք մթերքների հետ աշխատանքի վրա, որոնք կալորիականության շրջանակում լուծում են ախորժակի խնդիրը, օգնում նվազեցնել ճարպի զանգվածը և միաժամանակ մկաններ աճեցնել։ Ապագան պատկանում է կառավարվող ածխաջրերով դիետային և հագենալու ինդեքսին։ Տեսանյութն ուղղված է մոտիվացիա ստեղծելուն և արդյունքի հասնելուն։ Հ.Գ. Գարունը մոտ է», – գրել է Կանդելակին։
Տեսանյութը 15 ժամում դիտել են ավելի քան 142 հազար անգամ։
Հիշեցնենք, որ Թինաթին Կանդելակին ծնվել է Թբիլիսիում 1975 թվականի նոյեմբերին։ Հայրը` Գիվի Կանդելակին, մասնագիտությամբ տնտեսագետ է, մայրը` Էլվիրա Ալավերդյանը` բժիշկ։ Նա երկու երեխա ունի գործարար Անդրեյ Կոնդրախինի հետ ամուսնությունից։ Ամուսնուց բաժանվել է 2010 թվականին։ 2014 թվականին ամուսնացել է գործարար Վասիլի Բրովկոյի հետ։