Պատգամավորներն ամրագրել են առաջնահերթությունները, հստակեցրել գործելաոճը: Թովմասյանը տեղեկացրել է, որ առաջինը հանձնաժողովում պատրաստվում են լսել ՀՀ ՄԻՊ Արման Թաթոյանին: Հանձնաժողովականներին հատկապես հետաքրքրում են կալանավայրում մահացած լրագրող Մհեր Եղիազարյանի մահվան դեպքով հարցեր: Հաջորդ հյուրն այստեղ, ամենայն հավանականությամբ, կլինի արդարադատության նախարարը: Պարզաբանումների կարիք կա ոլորտում մի շարք բացթողումների հետ կապված: Թովմասյանը շեշտում է՝ հանձնաժողովն այսուհետ դառնալու է հարթակ, որտեղ չեն լինելու տաբուներ, որովհետև որևէ թեմա քննարկելու վախից ազատվել են:
Ավելին, որոշում կա հանձնաժողովը դարձնել հարց լուծող ու ոչ միայն քննարկող մարմին, հատկապես, երբ, ըստ պատգամավորի, մեզանում խոսողների պակաս չկա, գործողների կարիք կա:
Հաղորդավար` Աննա Վարդանյան։