ԵՐԵՎԱՆ, 7 փետրվար — Sputnik. Մոսկվա կատարած աշխատանքային այցի շրջանակներում ՀՀ պաշտպանության նախարար Դավիթ Տոնոյանը ՌԴ ռազմատեխնիկական համագործակցության դաշնային ծառայության տնօրեն Դմիտրի Շուգաեւի հետ քննարկել է հետագա համագործակցության ուղենիշները։
Այս մասին տեղեկանում ենք ՀՀ ՊՆ մամուլի ծառայությունից։
Հանդիպման ընթացքում քննարկվել են հայ-ռուսական երկկողմ ռազմատեխնիկական համագործակցության ընթացիկ ծրագրերը եւ հետագա համագործակցության ուղենիշները։ Երկուստեք նշվել է ոլորտի կարեւորությունը եւ համագործակցության բարձր մակարդակը։
Ավելի վաղ տեղեկացրել էինք, որ ՀՀ պաշտպանության նախարարի գլխավորած պատվիրակությունը մեկնել է Մոսկվա: Տոնոյանը վերջին անգամ Մոսկվա էր մեկնել օգոստոսին։